Boxingscene.com jýrnalısi Djeık Donovan WBA Super, IBF jáne IBO nusqalary boıynsha álem chempıony Gennadıı Golovkın men orta salmaqtaǵy meksıkalyq Haıme Mýngıanyń jekpe-jegi jaqyn arada bolmaıtynyn atap ótti, dep habarlaıdy Almaty-akshamy.kz Inform.kz-ke silteme jasap.
Kúni keshe Mýngıa qazaqstandyq boksshy Jánibek Álimhanulymen WBO sanksıalaǵan jekpe-jekten bas tartqany belgili boldy.
«Mýngıa buǵan deıin BoxingScene.com -ǵaWBC orta salmaqtaǵy chempıony Djermall Charlomen (32-0, 22 KO) jáne WBA/IBF birikken chempıony Gennadıı Golovkınmen úlken jekpe-jek ótkizgisi keletini týraly aıtqan bolatyn.
Sońǵy nusqa boıynsha jekpe-jektiń ótýi ekitalaı. Óıtkeni Golovkınge (42-2-1, 37 KO) eki mindetti tıtýldy qorǵaý júktelgen. IBF reıtıńiside birinshi Eskıva Falkaomen kelissózder jalǵasyp jatyr. Sodan keıin jeńimpaz WBA-nyń mindetti qarsylasy jáne kishi chempıony Erıslandı Laramen kezdesýi múmkin. Buǵan deıin bul jekpe-jekke tapsyrys berilgen bolatyn. Alaıda ruqsat etýshi organdar Falkaoǵa rotasıada birinshi bolýǵa ruqsat bergen kezde jekpe-jek keıinge qaldyrylǵan», - dep jazylǵa materıalda.