Nemis basylymy Almatyny «mádenıetterdiń qaınaǵan qazany» jáne eýropalyq saıahatshylardy baýrap alatyn jańa ortalyq retinde sıpattady, dep habarlaıdy aqshamnews.kz
Maqala avtory Kasper Esterraıh Almatynyń qarqyndy damyp kele jatqanyn jáne Qazaqstannyń óńirdegi eń qyzyqty týrısik baǵyttardyń birine aınalǵanyn atap ótedi. «Qazaqstan túrlenip keledi», — dep jazady jýrnalıs, eldiń ınfraqurylym men týrızm salasyna belsendi ınvestısıa salyp jatqanyn, al Almatynyń Ortalyq Azıanyń mádenı jáne gastronomıalyq júregine aınalyp kele jatqanyn aıtady.
Avtordyń aıtýynsha, qala keńestik dáýirdi, zamanaýı jaılylyqty jáne tabıǵattyń ǵajaıyp sulýlyǵyn úılestire bilgen. «Munda árbir kórinis – ashyq hattaı áserli. Megapolıstiń qarbalas kóshelerinen nebári birneshe shaqyrym uzaǵan sátte taý men dala jáne Grand-Kanondy eske salatyn shatqaldar bar.
RNZ Almatyny «alma qalasy» dep atap, ony jaıly, ómirge toly jáne qýatqa toly shahar retinde kórsetedi. Materıalda qaladaǵy basty kórnekti oryndar — Voznesensk sobory, Arbat, Kók bazar jáne qalaǵa tynys beretin saıabaqtar erekshe beınelenedi.
Nemis basylymynyń bul maqalasy Eýropanyń Qazaqstanǵa degen qyzyǵýshylyǵynyń artyp kele jatqanyn taǵy bir márte pash etti. Maqala avtorynyń sapary Almaty Tourism Bureau qoldaýymen jáne Air Astana áýe kompanıasynyń seriktestigimen júzege asqan. Kompanıa Frankfýrt pen Almaty arasynda tikeleı áýe qatynasyn oryndaıdy.
Jýrnalısiń aıtýynsha, búgingi Almaty bul megapolıstiń zamanaýı tynysy, tabıǵat jáne naǵyz qazaqy qonaqjaılyq toǵysqan álemdik deńgeıdegi qala.
Rhein-Neckar-Zeitung (RNZ) — 80 jyldan astam tarıhy bar Germanıanyń eń kóne basylymdarynyń biri. Geıdelberg qalasynda ornalasqan gazet eldiń túkpir-túkpirinde keń oqyrmanǵa taraıdy. Basylym saıahat, mádenıet pen iskerlik qaýym arasynda senimdi aqparat kózi retinde tanymal.