Qazaq mádenıetin keńge tanystyrý jáne nasıhattaý aıasy ulǵaıýda.
Berlınde alǵashqy qazaq qaýymdastyǵy quryldy, dep habarlaıdy Almaty-akshamy.kz Qazaqtv.com saıtyna silteme jasap.
Uıymǵa osy elde jumys istep, oqý oqyp jatqan otandastarymyz kirgen. Bastamashylar qazaq aqyn-jazýshylarynyń shyǵarmashylyq keshterin ótkizip, otandyq fılmder kórsetilimderin, sondaı-aq kórmeler men festıválder uıymdastyryp, halqymyzdyń mádenıeti men salt-dástúrin pash etpek.
Al kishkentaılar úshin arnaıy baǵdarlama daıyndalyp, demalys kúnderi Berlındegi elshilikte qazaq tili sabaqtary uıymdastyrylady.
Dárister oıyn túrinde ótkiziledi. Qazaqstandyq jetkinshekterdiń ana tilin umytpaýy úshin túrli sharalar uıymdastyrý qarastyrylǵan.
«Biz osy jerde ósip jatqan balalarymyz halqymyzdyń salt-dástúrin bilip, ana tilinde jetik sóılegenin qalaımyz. Olardy úıretý - bizdiń basty mindetimiz. Kıiz úı satyp alyp, jergilikti halyqty ulttyq taǵamymyzben tanystyrýdy kózdep otyrmyz. Sonymen birge aqyn-jazýshylardyń shyǵarmashylyq keshterin uıymdastyryp, otandyq fılmderdi kórsetýdi qolǵa almaqpyz», - dedi «Mıras» qazaqtar qaýymdastyǵynyń tóraǵasy Aınur Mataeva.