Prezıdent bes jylǵa saılanady
Germanıanyń Federaldyq Jınalysy eldiń jańa prezıdentin saılaý úshin jınalady, qazir ony burynǵy syrtqy ister mınıstri Frank-Valter Shtaınmaıer basqarady, dep habarlaıdy Almaty-akshamy.kz.
Korrespondent.net saıtynyń málimetinshe, saılaýǵa eks-kansler Angela Merkel qatysady dep kútilýde. Eger ol kelse, bul onyń kanslerlik ókilettik merzimi aıaqtalǵannan keıingi alǵashqy qoǵamdyq is-sharasy bolady.
Federaldy jerler basqa da tanymal tulǵalardy Federaldyq Jınalysqa jiberdi. Jınalǵandar arasynda ǵaryshker Aleksandr Gerst, vırýsolog Krıstıan Drosten, ulttyq qurama fýtbolshylary, ánshiler men aktrısalar bar.
Shtaınmaıer 2021 jyldyń 28 mamyrynda jańa merzimge úmitker bolǵysy keletinin málimdedi. Germanıanyń sosıal-demokratıalyq partıasy onyń sheshimin qoldady. Odan keıin Shtaınmaıerdi saılaýda qoldaý nıetin Germanıanyń erkin demokratıalyq partıasy, FDP, «Jasyldar» jáne HDS/HSS partıalyq odaǵynyń ókilderi bildirdi. Osylaısha, Shtaınmaıer Germanıadaǵy Federaldyq jınalysty quraıtyn eki palata – Býndestag pen Býndesrattaǵy kópshiliktiń qoldaýyn merziminen buryn qamtamasyz etti.
Shtaınmaıerden basqa taǵy úsh úmitker bar. Maınstyq dáriger Gerhard Trabert «Solshyldar» usynsa, Germanıa úshin ońshyl balamany ekonomıs, profesor Maks Otte usynyp otyr. «Erkin saılaýshylar» partıasy usynǵan taǵy bir úmitker – jalǵyz áıel kandıdat, astrofızık Stefanı Gebaýer.
Federaldyq Jınalys bul joly 1 472 qatysýshydan turady. Prezıdent bes jylǵa saılanady.