Qazaqstandyq boksshy Gennadıı Golovkınniń kásibı mansabyndaǵy tabysy belgili boldy.
Wealthy Gorilla basylymynyń málimetinshe, Golovkınniń kásibı mansabyndaǵy tabysy – 30 mıllıon dollar. Gennadıı osy tabysymen álemdegi eń baı boksshylardyń tiziminde 20-orynda tur, dep habarlaıdy Almaty-akshamy.kz
"Gennadıı Golovkın – kóptegen jetistikke qol jetkizgen qazaqstandyq boksshy. Ol orta salmaqta eki ret álem chempıony atanǵan. Golovkın 2017-2018 jyldar aralyǵynda óz salmaq dárejesinde úzdik boksshy atandy jáne 394 ret jekpe-jekke shyǵyp, eshqashan nokaýtqa túsken emes. Ol ártúrli brendtermen, sonyń ishinde álemdegi eń qymbat saǵattardy shyǵaratyn Hublot kompanıasymen jáne Chivas Regal-men jarnamalyq kelisimder jasady", – dep jazdy Wealthy Gorilla basylymy.
Gennadıı óziniń sońǵy jekpe-jegin 2022 jyldyń qyrkúıeginde meksıkalyq Saýl "Kanelo" Alvareske qarsy ótkizdi. Bul kezdesýde qazaqstandyq boksshy tóreshilerdiń sheshimimen jeńiliske ushyraǵan edi. Odan keıin Golovkın rıngke shyqpady.