Bul týraly QR Syrtqy ister mınıstrligi málimdedi.
Búgin evakýasıanyń birinshi kezeńi júzege asyrylyp, nátıjesinde «Rafah» baqylaý-ótkizý pýnkti arqyly Gaza sektorynan Mysyr aýmaǵyna 92 Qazaqstan azamaty men olardyń otbasy músheleri ótti, dep habarlaıdy Almaty-akshamy.kz.
Qazaqstandyq dıplomattar otandastarymyzǵa barlyq qajetti konsýldyq-quqyqtyq jáne psıhologıalyq kómek kórsetti. Shekaradaǵy rásimderden keıin bizdiń azamattarymyz kolonna quramynda jolǵa shyqty jáne jaqyn arada Kaır qalasyna jetedi.
Aıta ketetin jáıt, QR azamattaryn Gaza sektorynan evakýasıalaý kezeń-kezeńmen júrgizilýde. Osy oraıda qazaqstandyq dıplomattar Izraıl, Mysyr, Palestına ulttyq ákimshiliginiń quzyretti organdarymen jáne basqa da halyqaralyq uıymdarmen qalǵan otandastarymyzdy anklavtan evakýasıalaý boıynsha jumysty jalǵastyrady.
Bizdiń barlyq azamattarymyz Gaza sektorynan Kaırge aman-esen jetkizilgennen keıin QR Úkimeti olardy elge jetkizý úshin evakýasıalyq bort joldaıdy.