Almaty oblysyndaǵy Gúldala aýylynda tabıǵı gaz plıtasy jarylyp, tórt adam zardap shekti.
Oqıǵa, keshe tańǵy ýaqytta Súıinbaı men Baıtursynuly kóshelerinde bolǵan, dep habarlaıdy almaty-akshamy.kz.
Jarylystan zardap shekken eki turǵyn Almatydaǵy 4-klınıkalyq emhanasyna jatqyzyldy. Al denelerin kúıik shalǵan taǵy eki turǵyn Almaty kópsalaly klnıkalyq aýrýhanasyna jetkizilgen.
"Naýqastar jansaqtaý bóliminde jatyr. Jaǵdaılary aýyr. Olarǵa tıisti medısınalyq kómek kórsetilýde", - dep habarlady emhananyń baspasóz qyzmeti.
Apat qubyrdaǵy gaz qysymynyń kúrt joǵarylaýynan bolýy múmkin. Oqys oqıǵadan keıin Tótenshe jaǵdaılar qyzmeti men gazǵa jaýapty kompanıa jeke úılerdi aralap, gaz qaýipsizdigin teksere bastady.