Aqtóbe oblysynyń Áıteke bı aýdanyna ıtalıalyq prýs shegirtkeleri ushyp kelgen
Qazaqstanda shegirtke zıankesterine qarsy kúres sharalary aıaqtaldy, dep habarlaıdy almaty-akshamy.kz
Osyǵan baılanysty 2,8 mln gektar aýmaqta óńdeý jumystary júrgizildi, bul josparlanǵan kólemniń 110%-yn quraıdy. Barlyǵy 15,8 mln gektar aýmaq zertteldi, ol jospardyń 92,4% quraıdy.
13 oblysta — Abaı, Almaty, Atyraý, Shyǵys Qazaqstan, Jambyl, Jetisý, Batys Qazaqstan, Qaraǵandy, Qyzylorda, Pavlodar, Soltústik Qazaqstan, Ulytaý jáne Túrkistanda jumys tolyǵymen aıaqtaldy. Al Aqmola, Aqtóbe jáne Qostanaı oblystarynda ıtalıalyq shegirtke túrine qarsy óńdeý jumystary jalǵasýda.
Aýyl sharýashylyǵy vıse-mınıstri Ermek Kenjehanuly Orynbor oblysynan Aqtóbe oblysynyń Áıteke bı aýdanyna ıtalıalyq prýs shegirtkesi ushyp kelgenin atap ótti. Atalǵan másele boıynsha Reseı tarapymen birlesip zertteý júrgizý josparlanyp otyr.
Sonymen qatar, vıse-premer Serik Jumanǵarın Reseı Federasıasy Úkimeti tóraǵasynyń orynbasarymen jerdi birlesip, jedel óńdeý máselesin talqylaıtyn bolady. Bul áreketter shegirtke zıankesteriniń taralýyn shekteý jáne Qazaqstandaǵy aýyl sharýashylyǵy aýmaqtaryn qorǵaýǵa baǵyttalǵan.