Jerdi zańsyz ıelený boıynsha 391 myń oqıǵa anyqtaldy
Ǵaryshtan jasalǵan monıtorıń nátıjesinde el terıtorıasynda qazba baılyqty zańsyz óndirgen 21 oqıǵa tirkeldi, dep habarlaıdy Almaty-akshamy.kz.
Sıfrlyq damý, ınovasıalar jáne aeroǵarysh mınıstrliginiń málimetinshe, kosmomonıtorıng arqyly 1,1 mln ga jaıylym, 19,6 mln ga egistik jeri ıgerilmeı jatqany anyqtalǵan.
«Jerdiń sıfrlyq nusqasyn jasaý barysynda 2 641 zańsyz aǵash kesý polıgony, 6,5 mln ga órtengen jer, 7,3 myń qoqys orny belgili boldy. Sondaı-aq paıdaly qazba baılyqtardy zańsyz óndirý boıynsha 21 oqıǵa, jerdi zańsyz ıelený boıynsha 391 myń oqıǵa anyqtaldy», - delingen mınıstrlik málimetinde.
Budan ózge vedomstva Nur-Sultan, Almaty jáne Shymkent qalalaryndaǵy 5G tehnologıasyn engizý boıynsha synaq júrgizgen.
Strategıalyq josparlaý departamentiniń dırektory Meıirbek Muqatov bul baǵyttaǵy jumys sátti aıaqtalǵanyn málimdedi.
Sonymen qatar mınıstrlik bıyl 140 aýylda ınternet sapasyn jaqsartý boıynsha jumystar júrgizip jatyr.