Japonıa astanasy Tokıoda dzúdodan Grand Slam básekesi aıaqtaldy. Jyldyń qorytyndy dodasynda Qazaqstan quramasy bir medalge qol jetkizdi, dep habarlaıdy Almaty-akshamy.kz.
100 keliden joǵary salmaqta beldesken qazaqstandyq dzúdoshy Ǵalymjan Qyryqbaı jarys barysynda barlyǵy tórt kezdesý ótkizip, úsheýin jeńispen aıaqtady.
Sportty damytý dıreksıasynyń málimetinshe, erler arasynda asa aýyr salmaqtaǵy Ǵalymjan Qyryqbaı qola medal úshin jekpe-jekte cheh Lýkas Krpalekten basym túsken.
İrikteýde amerıkalyq Krıstıan Konovaldy jeńgenimen, keıin japon Kokoro Kagúradan utylyp qaldy.
Jarys qojaıyny fınalǵa shyqqandyqtan Ǵalymjan jubanysh beldesýine qatysýǵa múmkindik aldy. Onda mońǵolıalyq Sesensengel Odhýýdy utty.
Sondaı-aq 100 kelige deıingi salmaqtaǵy Nurlyhan Sharhan da qola medal úshin kúresken.
Alaıda qazaq dzúdoshysy jubanysh kezdesýinde germanıalyq Djordj Ýdsılaýrıdi utqanymen, júlde jolynda jarys qojaıyny Kotaro Ýeokaǵa jol berdi.
Osylaısha 100 kelige deıingi salmaqta tatamıge shyqqan Sharhan Nurlyhan jarysty 5-orynmen aıaqtady.