Qosymsha aqy mólsheri ǵylymı dáreje men ataqqa baılanysty.
Endi joǵary oqý oryndarynda ǵylymı-pedagogıkalyq qyzmetpen aınalysatyn oqytýshylardyń jáne ǵylymı-zertteý jumystaryn júrgizetin ǵalymdardyń negizgi jalaqysyna qosymsha aqy qosylady, dep habarlaıdy Almaty-akshamy.kz
Bul jaıly ǵylym týraly zań jobasyna ózgerister men tolyqtyrýlar engizý boıynsha ótken májilis otyrysynda belgili boldy.
"Qosymsha aqy mólsheri ǵylymı dáreje men ataqqa baılanysty. Mysaly dosent ataǵy bar ǵylym kandıdattary qosymsha 25 AEK, profesor ataǵy bar ǵylym doktorlary 50 AEK alady", - delingen habarlamada.
Odan bólek joǵary oqý oryndarynda jáne ǵylymı uıymdarda jumys isteıtin ǵalymdarǵa ǵylymı, ǵylymı-pedagogıkalyq jáne ǵylymı-tehnıkalyq sıpattaǵy jumystaryn aıaqtaý úshin bir jylǵa deıin eńbek demalysy beriledi. Bul kezeńde uıymnyń qarajaty esebinen ortasha jalaqy saqtalady.
Keminde bes jyl úzdiksiz ǵylymı-pedagogıkalyq jumys ótili bolǵan qyzmetkerge shyǵarmashylyq eńbek demalysy on jylda bir ret beriledi. Mundaı demalys aıaqtalǵan soń ǵalymdar sol mekemede úsh jyl jumys isteýge mindetti.