«Botanıka jáne fıtoıntrodýksıa ınstıtýty» RMK aǵa ǵylymı qyzmetkeri Svetlana Nabıeva Baým toǵaıynda júrgizilgen ǵylymı zertteýlerdiń qorytyndylary týraly aıtyp berdi, dep habarlaıdy almaty-akshamy.kz.
2021 jyldyń mamyr-qazan aılary aralyǵynda Botanıka jáne fıtoıntrodýksıa ınstıtýtynyń qyzmetkerleri 20 ekspedısıalyq sapar jasady, onyń barysynda «Baým toǵaıy» memlekettik tabıǵı parkiniń aýmaǵy zertteldi. Joǵary satydaǵy ósimdikterden basqa baldyrlardyń 46 túri, zıankesterdiń 15 túri (emende, qaraǵashta, terekte órmekshi kenelerdiń, taldyń boıynda zıandy jándikterdiń, jáne t.b. bar ekeni anyqtaldy), sondaı-aq aǵashtarǵa zıan keltiretinderdiń 60 túri, olardyń kópshiligi patogendi jáne parazıttik bolyp tabylady, aýrýlardy týdyrady jáne saıyp kelgende aǵashtar joıady. Eń qaýipti zıankester álsiz ósimdikterge qonyp, emen men úıeńkini, terekti, órikti birtindep shiritedi.
«Baým toǵaıyndaǵy jaramsyz aǵashtardyń arasynda yqtımal qaýipti aǵashtar bar – olar jeldiń áserinen kez kelgen ýaqytta qulap ketýi múmkin. Aýrýǵa ushyraǵan aǵashtar shirıdi ári keýip ketedi. Shekti jasyna jetken aǵashtar da apatty bolady. Baým toǵaıy tiri organızm ispetti, oeyń da jetilýi, qartaıý kezeńi bolatynyn atap ótkim keledi. Eger ótken ǵasyrdyń sonaý 60-70 jyldarynda otyrǵyzylǵan qaraǵashtar, kúmis úıeńkiler, basqa da aǵash túrleri qazirgi kezde shekti jastaryna jetti. Tipti olar birtindep jaramsyz bolýda», - dep túsindirdi Svetlana Nabıeva.
Sóziniń sońyn qorytyndylaǵan sarapshy Baým toǵaıyn saqtaý máselesine ulttyq saıabaqtar men qoryqtardaǵy tabıǵatty qorǵaý turǵysynan qaraýǵa bolmaıtynyn atap ótti. Óıtkeni, toǵaı eń aldymen qalalyq ınfraqurylym obektisi, demek ol únemi nazar aýdarýdy, kútimdi jáne damýdy qajet etedi.