Qazaqstan fýtbol federasıasy fýtzaldan ulttyq quramanyń bas bapkeri Paýlo Rıkardo Fıgeıro Sılvamen (Kaka) kelisimsharttyń aıaqtalǵanyn málimdedi, - dep habarlaıdy Aqshamnews.kz
«Brazılıalyq maman 2018 jyldan beri el quramasyn jattyqtyryp, osy jyldar ishinde otandyq fýtzaldyń damýyna zor úles qosty. Onyń basshylyǵymen komanda Eýropa men álemniń úzdik quramalarynyń qataryna qosylyp, oıyny stıli men tártibi, sondaı-aq jumysty uıymdastyrý boıynsha jańa deńgeıge kóterildi.
2021 jyly Lıtvada ótken álem chempıonatynda Qazaqstan tarıhta alǵash ret jartylaı fınalǵa shyǵyp, tórtinshi oryn aldy. Bul jetistik elimizdiń fýtzal tarıhyndaǵy eń aıshyqty jetistik boldy.
2022 jyly Eýropa chempıonatynda pleı-off kezeńine shyqsa, al álem chempıonatynyń irikteýin senimdi ótti. Ózbekstanda ótken dodada Qazaqstan qaıtadan úzdik segiz quramanyń qatarynan kórindi.
Kaka bas bapker bolǵan kezeńde Qazaqstan quramasy álemdik reıtıńte rekordtyq kórsetkishke jetip, halyqaralyq moıyndaýǵa ıe boldy. Buǵan qosa, Kaka birneshe ret «Jyldyń úzdik bapkeri» ataǵyna úmitkerler qataryna endi.
Sporttaǵy eńbegi men Qazaqstan fýtzalynyń damýyna qosqan úlesi úshin Paýlo Rıkardo Kaka Memleket basshysy Qasym-Jomart Toqaevtyń qolynan II dárejeli «Dostyq» ordenimen marapattaldy.
Qazaqstan fýtbol federasıasy Kakaǵa kópjyldyq eńbegi, kásibıligi men óz isine degen adaldyǵy úshin shyn júrekten alǵys bildiredi. Onyń basshylyǵymen ulttyq quramanyń oıyny minez ben turaqtylyqtyń úlgisine aınalyp, naǵyz komandalyq rýhty kórsetti. Kaka esimi otandyq fýtzal tarıhynda máńgi saqtalady», - delingen aqparatta.