Fýtzaldan Qazaqstan quramasy búgin, 20 jeltoqsanda álem chempıonaty elıtalyq irikteý satysynda Rýmynıa quramasymen oınaıdy, dep habarlaıdy almaty-akshamy.kz.
El quramasy A tobynda synǵa túsip jatyr. Qarsylastary – Rýmynıa, Ázerbaıjan jáne Nıderland.
Rýmynıa men Qazaqstan kezdesýi elorda ýaqytymen 23:00-de bastalyp, «Qazsport» telearnasynan tikeleı efırde kórsetiledi.
El quramasy buǵan deıin Rýmynıany 4:3 esebimen jeńdi. Sondaı-aq eki márte Nıderlandty 2:0, 2:0, Ázerbaıjandy 4:2, 3:2 esebimen tize búktirdi.
Bes týrdan keıin 15 upaı jınaǵan Qazaqstan quramasy kósh basynda keledi. Olar bir týr buryn álem chempıonaty fınaldyq satysyna joldama aldy.
Odan keıingi oryndaǵy Nıderland - 6, Rýmynıa - 4, Ázerbaıjan 4 upaıdan enshilegen.
Aıta ketsek, el quramasy álem chempıonatynyń fınaldyq satysynda 2000, 2016, 2021 jyldarda synǵa tústi. Olar 2021 jyly 4-orynǵa taban tiredi.