Qazaqstan fýtzal qaýymdastyǵy jumysyn qaıta bastaıdy, dep habarlaıdy Almaty-akshamy.kz Inform.kz-ke silteme jasap.
Tórt jyl ótkennen keıin Qazaqstan fýtzal qaýymdastyǵynyń jumysy qaıta bastaldy. Onyń basshysy bolyp elge tanymal pedagog, Almaty memlekettik energetıka jáne elektr tehnologıalary kolejiniń dırektory Tóleýǵalı Taıtóleev taǵaıyndaldy.
Qazaqstan fýtbol federasıasy (QFF) men Fýtzal qaýymdastyǵy arasynda kelisimshart jasalyp, oǵan sáıkes QFF Qazaqstan chempıonatyn, Kýbogyn jáne Sýperkýbogyn ótkizý ókiletin beredi.
6 qyrkúıekte «Qaırat» pen «Aıat» arasyndaǵy Qazaqstan Sýperkýbogynyń machymen jańa maýsym bastalady. Kelesi kúni el kýbogynyń jalaýy jelbireıdi. Oǵan segiz komanda qatysady.
Osy jyldyń qazan aıynda Qazaqstan quramasy 2024 jylǵy álem chempıonatynyń irikteý machtaryn ótkizedi.