Almatynyń «Qaıraty» alda
Fýtzaldan Qazaqstan kýbogynyń ıegeri anyqtaldy, dep habarlaıdy Almaty-akshamy.kz.
Atalǵan oıynda Almatynyń «Qaıraty» men Rýdnyıdyń «Aıat» komandalary sheberlik baıqasty. Kezdesýde almatylyq klýb qarsylasyn 4:3 esebimen tize búktirdi.
Osylaısha «Qaırat» Qazaqstan kýbogynyń ıegeri atandy.
Aıta ketsek, eki komanda bıyl Chempıondar lıgasynyń negizgi kezeńinde synǵa túsedi.
Almatylyq «Qaırat» 1-topqa tústi. Onda qazaqstandyq klýb ıspanıalyq «Malorka», fransıalyq «Sportıng Parıj» jáne belgıalyq «Anderleht» komandalarymen sheberlik baıqasady.
Rýdnyılyq «Aıat» 2-topta portýgalıalyq «Sportıng», horvatıalyqtar «Novo Vreme» jáne «Pýla» komandalarymen synǵa túsedi.
Negizgi kezeń machtary 25-30 qazan aralyǵynda ótedi. Elıtalyq kezeńge ár toptan úzdik úsh komanda qatysady. Elıtalyq kezeń kezdesýleri 22-27 qarashaǵa josparlanǵan.
Eske salsaq, fýtzaldan Qazaqstan quramasy Ázerbaıjanmen joldastyq kezdesý ótkizedi.