Endi «Qaırat» 29 qazanda fransıalyq «Sportıng Parıj» komandasymen sheberlik baıqasady
Qazaqstandyq «Qaırat» fýtzaldan UEFA Chempıondar lıgasynyń negizgi satysyndaǵy ekinshi oıynyn ótkizdi, dep habarlaıdy Almaty-akshamy.kz QazAqparatqa silteme jasap.
Qazaqstandyq komanda 2-toptaǵy ekinshi oıynynda Ispanıanyń «Pálma» klýbymen sheberlik baıqasty. Kezdesýdi almatylyq klýb belsendi bastady. Qarsylas komanda qaqpasy mańynda jıi shabýyl uıymdastyrdy. Degenmen «Qaırat» sapynan Dýglas Jýnıor 8-mınýtta óziniń qaqpasyna gol soǵyp aldy. Oıynnyń 18-mınýtynda almatylyq klýbtan Kaıo Rýıs tarazy basyn teńestirdi.
Al 35-mınýtta Shyńǵys Esenamanov «Qaıratty» alǵa shyǵarsa, 38-mınýtta ıspanıalyq klýbtan Rohas qorytyndy esepti belgiledi.
Osylaısha qazaqstandyq komanda qarsylasymen 2:2 esebimen teń tústi.
Endi «Qaırat» 29 qazanda fransıalyq «Sportıng Parıj» komandasymen sheberlik baıqasady.
Eske salsaq, budan buryn qazaqstandyq klýb belgıalyq «Halle-Gooık» klýbymen teń tústi.
Sondaı-aq, qazir qazaqstandyq «Aıat» komandasy birinshi kezeńnen keıin portýgalıalyq «Sportıngten» 1:5 esebimen jeńilýde.