Barlyǵy 24 komanda
Ispanıanyń «Real Madrıd» komandasy fýtboldan UEFA Sýperkýbogynyń bıylǵy ıegeri boldy, dep habarlaıdy Almaty-akshamy.kz QazAqparatqa silteme jasap.
Fınlándıa astanasy Helsınkı qalasyndaǵy «Olımpııskıı» stadıonynda ótken kezdesýde ıspanıalyq klýb Germanıanyń «Aıntraht» komandasymen kýbokty sarapqa saldy.
Kezdesý barysynda «Real Madrıd» sapynan Davıd Alaba 37-mınýtta esep ashsa, 65-mınýtta Karım Benzema qorytyndy esepti belgiledi.
Osylaısha ıspanıalyq klýb qarsylasynan 2:0 esebimen basym túsip, kýbokty jeńip aldy.
UEFA Sýperkýbogynyń bastalǵanyna bıyl týra jarty ǵasyr tolyp otyr. Qazirge deıin «Real Madrıd» atalǵan týrnırde jeti márte baq synady. Onyń 4-inde jeńimpaz atansa, 3-inde qarsylasyna ese jiberdi. Al «Aıntraht» atalǵan týrnırge tuńǵysh márte qatyspaqshy.
Sýperkýbokty ıelený jóninen «Real Madrıd» Ispanıanyń «Barselona» jáne Italıanyń «Mılan» komandalarymen teńesti. Olardyń árbirinde bes-besten kýbok bar.
Jalpy, mundaı ataqqa barlyǵy 24 komanda qol jetkizdi.