Qazaqstan ulttyq quramasy fýtboldan álem chempıonatynyń irikteý kezeńinde 12 jyldan keıin alǵashqy jeńisine qol jetkizdi.
Bul jeńis 2026 jylǵy álem chempıonatynyń irikteýindegi Lıhtenshteın quramasyna qarsy oıynda boldy. Qazaqstan quramasy syrt alańda 2:0 esebimen jeńiske jetti, dep habarlaıdy aqshamnews.kz Prosports.kz-ke silteme jasap.
Qazaqstan quramasynyń álem birinshiligine irikteý kezeńindegi sońǵy jeńisi 2013 jyldyń 6 qyrkúıeginde tirkelgen edi — ol kezde Farer araldary 2:1 esebimen jeńilgen bolatyn. Sol ýaqyttan beri Qazaqstan irikteý kezeńderinde 22 mach ótkizip, 7 ret teń oınap, 15 ret jeńilip qalǵan.
Eske salaıyq, 2026 jylǵy álem chempıonatynyń irikteý týrnırinde Qazaqstan quramasy J tobynda óner kórsetedi. Bul toptaǵy qarsylastary — Belgıa, Soltústik Makedonıa, Ýels jáne Lıhtenshteın.