Fýtbol lıgasy
Fýtboldan Qazaqstan birinshiliginiń aldaǵy árbir týry elimizdiń belgili fýtbolshylarynyń qurmetine arnalady, dep habarlaıdy Almaty-akshamy.kz QazAqparat-qa silteme jasap.
Bul jóninde Qazaqstan kásipqoı fýtbol lıgasynyń prezıdenti Rohýs Shoh málim etti.
Onyń aıtýynsha, qazir elimizdiń jas jankúıerleri kezinde jasyl alańda jarqyldap kózge túsken kóptegen ardager fýtbolshylardy bile bermeıdi. Atap aıtqanda, Anatolıı Ionkın, Seıildi Baıshaqov, Evstafıı Pehlevanıdı, Quralbek Ordabaev, Vıktor Abgols syndy fýtbolshylar joǵary deńgeıde oıyn kórsetti. Endi olardy jastardyń arasynda dáripteýimiz qajet.
Aldaǵy 17-týr Fanas Salımovty eske alýǵa arnalady.
Sálimov KSRO birinshiliginde almatylyq «Qaırat» sapynda óner kórsetip, asa keńinen tanymal boldy. Odaq ydyraǵannan keıin ol Ýkraına chempıonatyna aýysyp, bul eldiń «Vorskla», «Nıva», «Elvıs», «Krıvbass» jáne «Nıkolaev» komandalarynda óner qórsetti. Qazaqstanda «Ekibastuz», «Jiger», «Jetisý», «Shahter», «Taraz» jáne «Ordabasy» syndy klýbtardyń namysyn qorǵady.
Oıyn mansabyn aıaqtaǵannan keıin Fanas Nagımovıch tóreshi jáne ınspektor retinde fýtboldaǵy qyzmetin jalǵastyrdy.
2021 jyldyń 27 tamyzynda Salımov ómirden ozdy.
Aldaǵy 17-týr 29 jáne 30 tamyz kúnderi ótkiziledi.
Eske salsaq, budan buryn fýtboldan el birinshiliginde «Aqtóbe» kósh basyna shyqty.