FIFA WORLD CUP QATAR 2022 monetalarynyń dızaınyn FIFA Halyqaralyq fýtbol federasıasy bekitken.
Qazaqstanda «Sport» monetalar serıasynan FIFA WORLD CUP QATAR 2022 koleksıalyq monetalar aınalymǵa shyqty, dep habarlaıdy Almaty-akshamy.kz.
Monetalar Qazaqstan Ulttyq banki, Qazaqstan moneta saraıy men MDM nemis nýmızmatıka kompanıasy arasyndaǵy úshjaqty kelisim aıasynda shyǵaryldy. Satylymǵa túsetin datany Ulttyq bank qosymsha habarlaıtyn bolady.
FIFA WORLD CUP QATAR 2022 monetalarynyń dızaınyn FIFA Halyqaralyq fýtbol federasıasy bekitken. Shaqada relefti ortasha deńgeıde altynmen jalatý boıynsha jańa tehnologıa qoldanylyp otyr. Ol monetalyq óndiriste alǵash ret paıdalanyldy jáne doptyń kólemin bólip kórsetýge múmkindik beredi.
Koleksıalyq monetalar altyn jalatý tehnologıasy qoldanyla otyryp, 925/1000 synamaly kúmisten jasaldy. Massasy 20 gram, dıametri 37 mm, nomınaly 100 teńgelik, jalpy taralymy 4 myń dana. İshki naryq úshin taralymy – 3 650 dana, syrtqy naryq úshin – 350 dana.
Shaqalar Qazaqstannyń búkil aýmaǵynda óziniń belgilengen qunymen tólemniń barlyq túri boıynsha qabyldanýǵa jatady.