Mıssısıpı shtatyndaǵy Holms okrýginde orta mekteptiń burynǵy túlekteri fýtbol oıynyndaǵy jeńisin toılap jatqan sátte belgisiz eki adam kópshilikke oq jaýdyrdy. Oqıǵa saldarynan úsh adam qaza tapty, dep habarlaıdy aqshamnews.kz.
Associated Press agenttiginiń jazýynsha, mektep komandasynyń jeńisi ashyq aspan astynda toılanyp jatqan. Belgili bolǵandaı, oqıǵa ornynda 300 shaqty adam bolǵan. Atys aldynda merekege qatysqan birneshe er adam tóbelesken.
Tóbelestiń sebebi áli anyqtalǵan joq, oq atqandardyń da kim ekeni belgisiz.
Qaıtys bolǵandardyń ekeýi 19 jasta bolsa, úshinshisi 25 jasta bolǵan. Zardap shekkender tikushaqpen jergilikti aýrýhanalarǵa jetkizildi.