2023 jyly 28 mamyrda Almaty qalasy Jastar saıasaty basqarmasynyń qoldaýymen, Almaty qalasy Jastar saıasatyn damytý memlekettik qory jáne «Funky Dance» bı ortalyǵymen birlesip uıymdastyrǵan jańadan bastaýshy bıshilerge arnalǵan «Fun Box» batly ótti.
Batl árkimge óziniń bı ónerin kórsetýge múmkindik berdi. Jańadan bastaǵandar ma, álde tájirıbeleri bar ma, bári de bıge degen qumarlyǵyn kórsetip, basqa daryndy bıshilermen básekege túse aldy.
«Biz árbir qatysýshyǵa óziniń ereksheligin sezinýge jáne biregeı bıshi bolýǵa kómektesýge tyrystyq. İs-shara barysynda DJ men MC, tóreshiler óz bilimderimen jáne shabyttarymen bólisti. Batlǵa 12 jasqa deıingi balalar men bımen 3 jylǵa deıin aınalysqan bıshiler qatysty», - dep túsindirdi «Funky Dance» bı ortalyǵynyń negizin qalaýshy Marat Iagfarov.
Ádilqazylar alqasy Kama, b-boy Fix ı Nadi Ihow Kz sıaqty tanymal bıshilerden quraldy. Al, MC QuickSan, DJ Almas ı DJ Mukash energıa men pozıtıvke toly atmosfera qurdy.
Batlda «hip-hop kids, hip-hop beginners, breaking kids, breaking beginners, waacking beginners jáne all styles beginners» sıaqty ártúrli nomınasıalar boldy. Osylaısha, qatysýshylar ózderiniń talǵamdaryna sáıkes keletin stıldi tańdaý múmkindigine ıe boldy. Jeńimpazdar maqtaý qaǵazdarymen jáne syılyqtarmen marapattaldy.
Bul jas jáne talantty bıshilerdiń basyn qosyp, sıqyrly atmosferany týdyrǵan jáne barlyǵyn keremet bı qoıylymdaryna shabyttandyrǵan umytylmas kún boldy!