Mamandyǵy dáriger
Ortsaılaýkom otyrysynda Parlament Májilisiniń depýtaty Fýat Satybaevty tirkeý týralyqaýly qabyldandy, dep habarlaıdy Almaty-akshamy.kz .
Qazaqstan Respýblıkasyndaǵy saılaý týraly 1995 jylǵy 28 qyrkúıektegi Qazaqstan Respýblıkasy Konstıtýsıalyq zańynyń 12, 45, 46-baptaryna, 97-1-babynyń 6-tarmaǵyna, 98-babyna sáıkes jáne «Aq jol» demokratıalyq partıasy ulttyq keńesiniń 5 qarashadaǵy № 1 qaýlysyna sáıkes Ortalyq saılaý komısıasy qaýly etti:
- Qazaqstan Respýblıkasy Parlamenti Májilisi depýtatynyń bos mandaty «Aq jol» QDP qoǵamdyq birlestiginiń múshesi Fýat Saıdahmetuly Satybaevqa berilsin.
- Fýat Satybaev Parlament Májilisiniń depýtaty bolyp tirkelsin.
- Fýat Satybaevqa belgilengen úlgidegi tıisti kýálik pen omyraýǵa taǵatyn belgi tapsyrylsyn.
Tapsyrý barysynda Ortalyq saılaý komısıasynyń tóraǵasy Nurlan Ábdirov Fýat Satybaevtyń Pavlodar oblysynda hırýrg-dáriger, densaýlyq saqtaýdyń qurmetti qyzmetkeri retinde tanymal ekenin atap ótti.
2021 jylǵy 10 qańtarda «Aqjol» partıasynan VII saılanǵan Pavlodar oblystyq máslıhatynyń depýtaty bolyp saılandy.
VII shaqyrylǵan oblystyq máslıhattyń ekonomıka jáne búdjet máseleleri jónindegi turaqty komısıasynyń múshesi.