Almatyda saılaý barysyn birqatar halyqaralyq baıqaýshylar baqylaýda.
Olardyń arasynda Fransıadan kelgen sarapshylar da daýys berý barysyn baqylady, dep habarlaıdy Almaty-akshamy.kz.
Fransıa Respýblıkasy Senatynyń depýtaty, «Fransıa – Ortalyq Azıa» dostyq tobynyń tóraǵasy Erve Moreniń aıtýynsha, Qazaqstandaǵy saılaý prosesi ashyq jáne barlyq demokratıalyq prınsıpterge sáıkes ótýde.
Baqylaýshylar tańerteń 4 saılaý ýchaskesinde bolyp úlgerdi, olar qandaı da bir zań buzýshylyqtardy baıqamady.
«Jalpy, tańerteń ártúrli saılaý ýchaskelerinde barlyq qajetti qural-jabdyqtardyń bar ekenin baıqadym dep aıta alamyn. Iaǵnı, tizimge tirkelgen saılaýshylarǵa saılaý búlleteni beriledi, ol mórlengen jáshikke tastalady», - dep atap ótti halyqaralyq sarapshy.
Joǵaryla aııylǵandarǵa Fransıa Respýblıkasy Senatynyń depýtaty, «Fransıa – Ortalyq Azıa» dostyq tobynyń múshesi Arno de Belne de qosyldy.
«Daýys berýshilerdiń júzderi kúlimdep, ashyq-jarqyn júr, qosymsha aıta ketetin bolsam, Fransıada sheteldik baqylaýshylarǵa mundaı ashyqtyq pen janashyrlyq joq. Fızıkalyq qurylymy jaǵynan bári uqsas, men ózim úshin ártúrli partıalardy tanystyratyn baqylaýshylardyń turaqty túrde bolǵanyn baıqadym, bul - ashyqtyq kórsetkishi. Árbir partıa bul prosesti múmkindiginshe baqylaıdy», - dep tolyqtyrdy ol.
Sarapshylar Almatyda áli de birneshe saılaý ýchaskelerine barýdy josparlap otyr.