Bul shara qazan aıynda Parıjdegi IýNESKO shtab-páterinde bolady.
Qazan aıynda Parıjdegi IýNESKO shtab-páterinde ánshiniń 100 jyldyǵyna arnalǵan mereıtoılyq konsert ótedi, dep habarlaıdy Almaty-akshamy.kz Mádenıet jáne sport mınıstrliginiń baspasóz qyzmetine silteme jasap.
«2022 jyldyń 1 qańtarynda aty ańyzǵa aınalǵan ánshi Roza Baǵlanova 100 jasqa tolady. Qazaqstan men KSRO Halyq ártisi, Qazaqstannyń halyq batyry, Ekinshi dúnıejúzilik soǵys maıdandarynda jaýyngerlerge konsert qoıǵan. Ol bizdiń elimizde jáne shetelde ánsúıer qaýym arasynda áli de tanymal. Onyń esimin máńgi este saqtaý úshin is-sharalar qabyldaýdy tapsyramyn», - dep tapsyrma bergen edi Memleket basshysy.
Mádenıet mınıstrliginiń habarlaýynsha, Roza Baǵlanovanyń 100 jyldyq mereıtoıyn ótkizý jónindegi jalpyrespýblıkalyq jospar ázirlengen. Onda konsertter, kórmeler, fılmder kórsetilimi sekildi 2022 jylǵa josparlanǵan 41 is-shara bar.
«Kúni keshe ǵana Máskeýde fotokórme uıymdastyrylyp, merekelik konsert ótti. Qazan aıynda Parıjdegi IýNESKO shtab-páterinde ánshiniń 100 jyldyǵyna arnalǵan mereıtoılyq konsert ótedi», - deıdi mınıstrlikten.