Euronews habarlaýynsha, ortalyq Fransıada tabıǵı apat úlken shyǵyn ákelip, halyqty jaryqsyz qaldyrdy. Italıada da qaýiptilik deńgeıi joǵary, qyzyl deńgeıdegi eskertý jarıalanǵan, dep habarlaıdy aqshamnews.kz.
Óńirlerdi sý basý qaýpi áli seıilmegen.
Fransýz meteorologtarynyń aıtýynsha, sońǵy 48 saǵatta ońtústiktegi Ardesh jáne Lozer departamentterinde 700 mıllımetrge deıin jaýyn-shashyn túsken. Eki kúndik jaýyn-shashyn ortalyq Fransıada sońǵy 40 jyldaǵy eń iri sý tasqynyna alyp keldi. Qazirgi ýaqytta turǵyn úıler men ınfraqurylymdy tazalaý jumystary bastalǵan.
Fransıa premer-mınıstri Mıshel Barne klımattyń ózgerýi adamzatty túrli táýekelder men apattarǵa jıi ushyraıtynyn atap ótti.
«Bul daǵdarystardyń barlyǵyn, mysaly, teńiz apattary, ónerkásiptik apattar, sýnamı, jer silkinisteri, iri sý tasqyndary, pandemıalar jáne terorızm qaýipteri sıaqty — bárin de aldyn ala boljaýymyz kerek. Bul máselelerge eýropalyq deńgeıde daıyndalý qajet», — dedi ol.
Fransıa premeri FR Alerte dabyl júıesine joǵary baǵa berdi.
Italıada da búkil el boıynsha qyzyl deńgeıdegi eskertý jarıalandy. Qatty jaýǵan jaýynnyń arty elde laıly sý tasqyndaryn týdyrdy. Eń kóp zardap shekken aımaq — Emılıa-Romaná. Bolon qalasynda tasqyn avtokólikti aǵyzyp ketti. Kólik ishinde bala bolǵan.
Toskanadaǵy Elsa ózeni men Sısılıadaǵy Salso ózenderi arnasynan kóterilgen. Sondyqtan jergilikti turǵyndarǵa múmkindiginshe úıden shyqpaýǵa keńes berilgen.