Qoqys jınaýshylar men órteıtin zaýyttardyń jumysshylary ereýilge shyqty.
Parıj kósheleri birneshe kún boıy azyq-túlik jáne basqa da qaldyqtarǵa toldy. Qoqys jáshikterin de eshkim tazalamaı jatyr, - dep habarlaıdy Almaty-akshamy.kz Azattyq Ruhy-na silteme jasap.
Munyń sebebi - qoqys jınaýshylar men órteıtin zaýyttardyń jumysshylary ereýilge shyqty. Olar zeınetkerlikke shyǵýdyń eń tómengi jasyn 62 jastan 64 jasqa deıin kóterýdi kózdeıtin zeınetaqy júıesin reformalaýǵa qarsy.
«7-shi kún qoqys shyǵarylmady. Ol sasyp, shirip jatyr. Parıj merıasy tótenshe shara, tipti ishinara shara qabyldap jatqan joq. Bul - qala turǵyndaryn qurmettemeýge jatady», - dep jazdy Kólik mınıstriniń orynbasary Klement Bon.
Jergilikti turǵyndar, týrıser kóshede egeýquıryqtar men tyshqandardyń paıda bolýyna, jaǵymsyz ıiske shaǵymdanady. Meıramhanalar men sýpermarketterdiń ıeleri antısanıtarıalyq jaǵdaıǵa alańdaıdy.
Bılik qoqys jınaýǵa jeke kompanıalardy tartý arqyly máseleni sheshýge tyrysyp jatqanyn aıtady.