Fitch Ratings halyqaralyq reıtıńtik agenttigi «Almaty» Áleýmettik-kásipkerlik korporasıasy» AQ emıtent defoltynyń uzaq merzimdi reıtıńterin ("RDE") sheteldik jáne ulttyq valútada "BBB -" deńgeıinde rastady, Boljam "Turaqty".
Negizgi óńirlik damý ınstıtýty bolyp tabylatyn Almaty ÁKK-niń mańyzdy qoǵamdyq mısıasyn, nazarǵa ala otyryp, Fitch agenttiginiń taldaýshylary Almaty ÁKK-ǵa «BBB-» deńgeıinde reıtıń berdi.
Reıtıńtik agenttiktiń resmı saıtynda usynylǵan aqparatqa sáıkes, Almaty ÁKK áleýmettik jobalardy iske asyrý, shaǵyn jáne orta bıznesti qoldaý jáne yntalandyrý, eski turǵyn úılerdi jańartý jáne azyq-túlik qaýipsizdigin qamtamasyz etý arqyly qalanyń turaqty áleýmettik-ekonomıkalyq damýyna yqpal etetin ornyqty bıznes-qurylym bolyp tabylady.
Kompanıanyń qyzmetin taldaı otyryp, Almaty qalasynyń ákimdigi korporasıanyń jalǵyz aksıoneri bolyp tabylatyndyqtan Fitch Almaty ÁKK memleketpen baılanysty kompanıalardy reıtıńileý ádisnamasy negizinde baǵalaıdy.
Qazirgi ýaqytta, Almaty ÁKK-niń 2025 jylǵa deıingi damý baǵdarlamasynyń tujyrymdamasy aıasynda korporasıa bıznesti qoldaıtyn, qalanyń basym áleýmettik-mańyzdy jáne ınvestısıalyq jobalaryn iske asyratyn qalany damytýdyń negizgi ınstıtýty bolyp tabylady.
«BBB-» reıtıńi – bul qanaǵattanarlyq kredıttik qabiletterdi, qazirgi ýaqytta kredıttik táýekelder boıynsha tómen kútýlerdi, qarjylyq mindettemelerdi ýaqtyly óteýdiń oń qabiletin bildiretin ınvestısıalyq sanat.
Almaty q. ÁKK baspasóz qyzmeti