Ýnıformanyń tanystyrylymyna, sondaı-aq, arnaıy fotosessıaǵa qazaqstandyq olımpıadashylar qatysty.
Tanymal Forbes jýrnalynyń sholýshysy Stefan Rabımov anyqtaǵan úzdik ýnıformalar reıtıńinde Qazaqstan komandasynyń formasy da bar, dep habarlaıdy Almaty-akshamy.kz Olympic.kz-ke silteme jasap.
Úzdik formalar tizimine #teamKZ atletterinen bólek, AQSH, Lıberıa, Reseı, Chehıa, Qytaı, Ońtústik Afrıka jáne Japonıa komandalarynyń formasy engen.
Bizdiń komanda formasyn sıpattaı kele, avtor tústerdiń jaqsy úılesim tapqanyna, eń bastysy – jobadaǵy komandalyq jumystyń joǵary bolǵanyna erekshe nazar aýdarady. Óıtkeni, formany daıyndaý barysyna sportshylar da qatysqan bolatyn.
«Qazaqstan komandasynyń otyz bes múshesi formany daıyndaý barysyna tikeleı aralasty. Dızaıner Saltanat Baımuhamedova matany, tústi jáne dekoratıvti elementterdi tańdaı kezinde komandamen birlese jumys istegen. Bul sportshylardyń qoldaýdy sezinýine, olımpıadaǵa aparar jolda shabyttanýyna áser etti. Aspan tústes kók tús qazaq dalasyndaǵy shegi joq aspandy eske salady. Bul el astanasy men Almaty qalasynyń sán ortalyǵy ekenin odan ári aıqyndap, eki qala arasyndaǵy mádenı básekelestikti de arttyra túsedi. Olımpıadalyq rýh durys nasıhattalsa, bári de jeńiske jetedi», - dep jazdy avtor.