Bul joly áýe kompanıasyna telejúrgizýshi Láılá Sultanqyzy shaǵymdandy.
Ol Shymkentten Astanaǵa ushyp kelgen KC7326 bortta bolǵan keleńsiz jaǵdaıdan jaraqat aldy. Bul týraly ol Instagram jelisindegi paraqshasynda jazdy, dep habarlaıdy aqshamnews.kz.
Oqıǵa 21:50 shamasynda elorda áýejaıyna qonǵan FlyArystan áýekompanıasynyń bortynda bolǵan.
«Ushaqtyń esigi ashylmaı, turyp ketken janymdaǵy jolaýshynyń abaısyzdyǵynan betime ústińgi sórede turǵan aýyr (qatty) zat, otyrǵan maǵan qulap, KÓZİMNİŃ TUSYN JYRYP, QABAǴYM JARYLDY. Bul @flyarystan áýekompanıasy qaýipsizdik sharasyn saqtamaǵandyqtan oryn alǵan jaǵdaı. Bordserikter men áýekompanıanyń alǵashqy kómekke daıyn emes bolǵanyna qapa boldym! Ne aptechka, ne muz, ne sýyq zat, ne qan toqtatyn, ne salfetka joq. Menińshe, ornymda bala, qart adam otyryp, basy jarylsa, qatty jaralansa, mıy shaıqalsa, kóp qan ketse jaǵdaı qıyn bolar edi. Jaýapsyzdyq! Ár bortserik jolaýshy minip-túskenshe adam densaýlyǵyna jaýapty, alǵashqy kómek kórsetýge mindetti!», - delingen jazbada.
Bul atalǵan áýe kompanıaǵa qatysty aıtylyp, jazylyp jatqan alǵashqy shaǵym emes. Esterińizge sala keteıik, birer kún buryn áýe kompanıasynyń 12 jastaǵy balany bortqa kirgizbeı, dalada qaldyrǵany jaıly jazǵan bolatynbyz.