Fitch halyqaralyq reıtıń agenttigi Qazaqstannyń táýelsiz kredıttik reıtıńin «BBB» deńgeıinde rastady, boljam - «Turaqty», dep habarlaıdy Almaty-akshamy.kz Inform.kz-ke silteme jasap.
Syrtqy kúızelisterge turaqtylyqty kórsetken qýatty fıskaldyq jáne syrtqy teńgerimder Qazaqstannyń reıtıńin qoldaıtyn mańyzdy faktorlar bolyp sanalady. Sarapshylardyń pikirinshe, qańtar oqıǵalarynan, Reseı-Ýkraına qaqtyǵysynan jáne Reseıge qarsy sanksıalardan keıin týyndaǵan syn-qaterler negizgi eksporttyq taýarlardyń joǵary baǵalarymen jáne Teńiz ken ornynda 2023 jyldan bastap munaı óndirý kóleminiń ulǵaıýymen jeńildetildi.
Fitch 2023 jyly memlekettik búdjet tapshylyǵyń tómendeýin jáne Ulttyq qordan búdjetke transfertter mólsheri 2021 jylǵy deńgeıden 58%-ǵa deıin qysqarady dep boljaıdy, bul Úkimettiń JİÓ-niń 30% sheginde QR UQ mólsherin qoldaý jónindegi strategıasyna sáıkes keledi. Eldiń memlekettik qaryzy salystyryp otyrǵan elderdiń jartysynyń qaryz deńgeıinen tómen ekendigi habarlandy.
Fitch boljamy boıynsha Qazaqstannyń eleýli syrtqy rezervteri syrtqy taza kredıtor mártebesin saqtaýǵa kómektesedi. Sonymen qatar agenttik óz esebinde Qazaqstannyń bank sektorynyń turaqty jumysyn da atap ótti.