Bul jobaǵa qoljetimdilikti keńeıtýge jáne halyqtyń barlyq sanaty úshin paıdalanýdyń yńǵaılylyǵyn arttyrýǵa múmkindik beredi, dep habarlaıdy aqshamnews.kz
Portal endi Egov.kz elektrondyq úkimet platformalarynda qoljetimdi.
Fingramota.kz-ti memlekettik onlaın-qyzmetterdiń ekojúıesine engizý sıfrlandyrý men Qazaqstan azamattary arasynda qarjylyq mádenıetti damytýdaǵy mańyzdy qadam bolyp tabylady. Endi portal paıdalanýshylary:
problemalyq bereshekti qaıta qurylymdaý;
qarjylyq alaıaqtyqtan qorǵaý;
saqtandyrý jáne banktik qyzmetterdi paıdalaný negizderi;
jeke jáne otbasylyq búdjetti tıimdi josparlaý;
baǵaly qaǵazdar naryǵynda ınvestısıalaý múmkindikteri jáne t.b. máseleler boıynsha ózekti jáne senimdi aqparatty jedel ala alady.
Fingramota.kz-ti memlekettik kórsetiletin qyzmetter portalyna yqpaldastyrý qarjylyq saýattylyqty arttyrý jáne azamattardyń jeke qarjyny basqarýǵa jaýapty qaraýyn qalyptastyrý jónindegi memlekettik saıasatty iske asyrý sheńberinde júzege asyryldy.
Fingramota.kz jobasyn QR Qarjy naryǵyn retteý jáne damytý agenttigi iske asyrady jáne halyqtyń qarjy salasyndaǵy bilim deńgeıin arttyrýǵa, qarjylyq qyzmetterdi tutynýshylardyń quqyqtaryn qorǵaýǵa jáne qarjylyq is-qımyldyń ornyqty daǵdylaryn qalyptastyrýǵa baǵyttalǵan.