Tankerde 800 myń lıtr mazýt bolǵan
Fılıppınde sýǵa batqan tankerden mazýt tógilip, 4 birdeı mýnısıpalıtettiń jaǵalaýyna jaıylǵan, dep habarlaıdy Almaty-akshamy.kz QazAqparatqa silteme jasap.
Tass agenttiginiń málimeti boıynsha, tankerde 800 myń lıtr mazýt bolǵan.
Eldiń Qorshaǵan orta jáne tabıǵı resýrstar mınıstri Marıa Antonıo Iýlo-Loızagtyń aıtýynsha, mazýttan paıda bolǵan daq Pol, Pınamalaıan, Glorıa jáne Bongabong mýnısıpalıtetteriniń jaǵalaýyna jetken.
«Princess Empress atty tankerde óndiriste qoldanýǵa arnalǵan 800 myń lıt mazýt tıeýli bolǵan. Keme sýǵa batyp, teńiz betinde alyp daq paıda bolǵan. Qorshaǵan orta jáne tabıǵı resýrstar mınıstri Marıa Antonıo Iýlo-Loızagtyń aıtýynsha, oqys oqıǵa Shyǵys Mındoro provınsıasynyń aýmaǵynda bolǵan. Onyń sózinshe alyp daq bes birdeı mýnısıpalıtettiń jaǵalaýyna jetken. «Tógilgen mazýt ońtústikke qaraı qalqyp bara jatqanǵa uqsaıdy», - degen habar taratty jergilikti CNN Philippines telearnasy.
Mamandar daq taraǵan 12 orynnan synama alyp jatyr. Úkimettiń boljamyna súıensek, alyp daq radıýsy 40 shaqyrym aýmaqqa áserin tıgizýi múmkin. Erteń mamandar daq taraǵan aýdandardyń halqymen kezdesip, oqıǵanyń zıanyn eseptemekshi.