Qazaqstan Respýblıkasy Mádenıet jáne aqparat mınıstrliginiń tapsyrysy boıynsha Qyzylorda oblystyq «Jas Ulan» biryńǵaı balalar men jasóspirimder uıymy «Azamattyq bastamalardy qoldaý ortalyǵymen» birlesip, 2023–2024 jyldary «Fenomen Jas» áleýmettik jobasyn júzege asyrdy, dep habarlaıdy aqshamnews.kz.
Jobanyń maqsaty – táýelsizdik jyldarynda tabysqa jetken jastardy nasıhattaý, NEET jastaryna úlgi bolý, mentorlyq mektepterdi damytý jáne memlekettik baǵdarlamalardy iske asyrýǵa belsendi jastardy tartý.
Joba aıasynda qazaqstandyq tabysty jastardyń qatysýymen motıvasıalyq kezdesýler, semınar-trenıngter, oflaın jáne onlaın is-sharalar uıymdastyryldy. 100 kúndik «Jastar tańdaýy» marafony ótkizildi, onyń barysynda jastarǵa shyǵarmashylyq, áleýmettik, ıntellektýaldyq jáne fızıkalyq baǵytta tapsyrmalar berildi. Eki jyl ishinde marafonǵa 237 adam qatysyp, jeńimpazdarǵa 500 000 teńge kóleminde júlde berildi.
Memlekettik bastamalardy talqylaý úshin 3 qalada «Ted Talks» formatyndaǵy is-sharalar ótkizildi. Sarapshylar storıtellıng formatynda tájirıbelerimen bólisip, qatysýshylar arasynda netvorkıng uıymdastyryldy. Onlaın semınar-trenıngter arqyly qatysýshylar soft skills, ýaqytty basqarý jáne maqsat qoıý sıaqty mańyzdy daǵdylardy meńgerdi.
Sonymen qatar, «Uly dala saryny» syılyǵy tabystaldy, onyń júlde qory 2 mıllıon teńgeni qurady. Joba aıasynda jastardyń jetistikterin tanytý úshin 10 sújet, 5 podkast jáne 4 beınerolık daıyndalyp, keń aýdıtorıaǵa usynyldy.
«Fenomen Jas» jobasy jastardyń belsendiligin arttyryp, olardyń qoǵamǵa qosqan úlesin dáripteýde úlken ról atqardy.