20 qarashada ótken kezekten tys Prezıdent saılaýy kezinde Exit poll ádistemesi boıynsha júrgizilgen saýalnamalardyń alǵashqy qorytyndylary málim boldy, dep habarlaıdy Almaty-akshamy.kz QazAqparatqa silteme jasap.
Áýeli «Qazaqstan» teleradıokorporasıasynyń tapsyrysy boıynsha saýalnama júrgizgen «Ashyq qoǵam» óńirlik zertteýler halyqaralyq ınstıtýtynyń monıtorıń nátıjesin jarıalady. Oǵan barlyq óńirlerde ornalasqan 354 saılaý ýchaskesinen 1062 ıntervúrer atsalysyp, Qazaqstannyń 304 myńnan astam azamatynan jaýap alǵan.
Áleýmetttaný zertteýiniń qateligi shamamen +/-2 paıyz. Saılaýshylardyń kelýi 68,7 paıyz bolǵan.
Sonymen, «Ashyq qoǵam» óńirlik zertteýler halyqaralyq ınstıtýty júrgizgen Exit-poll nátıjesi mynadaı:
Qasym-Jomart Toqaev —82,45%;
Meıram Qajyken —2,23 %;
Jıgýlı Daırabaev — 3,33%;
Qaraqat Ábden — 2,54%;
Saltanat Tursynbekova — 2,08%;
Nurlan Áýesbaev — 2,17%;
Bárine qarsymy – 5,2%.
AMANAT partıasy janyndaǵy Qoǵamdyq saıasat ınstıtýty júrgizgen Exit poll nátıjesi boıynsha saılaýshylardyń 85 paıyzdan astamy kandıdat Qasym-Jomart Toqaevqa daýys bergen.
Mundaǵy Exit poll 70 myńnan astam azamatty qamtyǵan.
Onyń nátıjesi mynadaı:
Qasym-Jomart Toqaevqa – 85,52 paıyz;
Jıgýlı Daırabaevqa – 2,67 paıyz;
Qaraqat Ábdenge – 2,61 paıyz;
Meıram Qajykenge – 2,43 paıyz;
Nurlan Áýesbaevqa – 1,93 paıyz;
Saltanat Tursynbekovaǵa - 1,44 paıyz daýys berildi.
Al bárine qarsymyn baǵanyna daýys bergenderdiń 3,4 paıyzy belgilegen.
«SOSIS-A» Keshendi áleýmettik zertteýler ınstıtýty – Astana» JQ ózderi júrgizgen Exit poll qorytyndysyn jarıalady.
Onyń qoyrytyndysy mynadaı:
Qaraqat Ábden – 2,84%;
Nurlan Áýesbaev – 2,38%;
Jıgýlı Daırabaev – 3,68%;
Meıram Qajyken - 2,62%;
Qasym-Jomart Toqaev – 82,02%;
Saltanat Tursynbekova – 2,24 %;
Bárine qarsymyn – 4,22%.
Osylaısha alǵashqy úsh Exit poll qorytyndysy da úmitker Qasym-Jomart Toqaevtyń kezekten tys Prezıdent saılaýynda aıqyn basymdyqpen jeńdi degenge saıatyn málimet usynyp otyr. «Ashyq qoǵam» ınstıtýtynyń nusqasy boıynsha Q.Toqaevqa saılaýshylardyń 82,45%-y daýys bergen. Ekinshi orynda 5,2% daýyspen «bárine qarsymyn» degen baǵana tur.
Al AMANAT partıasy janyndaǵy Qoǵamdyq saıasat ınstıtýtynyń nusqasy boıynsha Q.Toqaevqa saılaýshylardyń 85,52%-y daýys bergen. Ekinshi orynda 3,4% daýyspen «Bárine qarsymyn» degen baǵana tur.
«Astana» keshendi áleýmettik zertteýler ınstıtýtynyń nusqasy boıynsha Q.Toqaevqa saılaýshylardyń 82,2%-y daýys bergen. Ekinshi orynda 4,22% daýyspen «Bárine qarsymyn» degen baǵana tur.
Aıta ketsek, Ortalyq saılaý komısıasynyń málimeti boıynsha, keshegi saǵat 22.00-degi jaǵdaı boıynsha respýblıkanyń 8 299 501 azamaty búleten aldy. Ol - tizimge engizilgen azamattardyń 69,43 paıyzy degen sóz. Al 4 óńirde saılaýshylardyń 80 paıyzdan astamy daýys bergen.
Búgin elimizde kezekten tys prezıdent saılaý ótti. Barlyq óńirde 10 033 ýchaske jumys istedi.
Sonymen qatar shet memleketterdegi Qazaqstan ókildikteri janyndaǵy 68 ýchaskeniń birnesheýi qazirgi ýaqytta jumysyn aıaqtady.
Saılaý kúninde San-Fransıskodaǵy saılaý ýchaskesi sońǵy bolyp jumysyn bastady.