Bolashaqta Qazaqstan úshin EQYU DIAQB usynymdaryn tolyq oryndaý asa mańyzdy
Eýropalyq odaq 5 maýsym jeksenbi kúni Qazaqstanda ótken konstıtýsıalyq referendýmnyń nátıjelerin nazarǵa alady. Bul referendýmda Qazaqstan halqy eldegi demokratıany nyǵaıtýǵa baǵyttalǵan mańyzdy konstıtýsıalyq túzetýlerdi qoldady, dep habarlaıdy Almaty-akshamy.kz Baq.kz-ke silteme jasap.
Eeas.europa.eu. saıtynyń málimetinshe, EO qańtardaǵy qaıǵyly oqıǵalardan keıin bastalǵan áleýmettik-ekonomıkalyq reformalarmen qosa, 16 naýryzda Prezıdent Toqaev bastaǵan saıası reformalardy quptaıdy. Biz sondaı-aq halyqpen tikeleı konsýltasıalar ótkizý jáne referendým barysyn qadaǵalaý úshin EQYU DIAQB-ny shaqyrý jónindegi sheshimdi quptaımyz. Bolashaqta Qazaqstan úshin EQYU DIAQB usynymdaryn tolyq oryndaý asa mańyzdy.
«Qazaqstan Eýropalyq odaq úshin mańyzdy ári qundy áriptes bolyp qala beredi. Biz beıbit jınalystardyń, pikir bildirý men qaýymdastyqtyń negizgi erkindikterin qosa alǵanda, keńeıtilgen áriptestik pen yntymaqtastyq týraly kelisimimizdiń mindettemelerin oryndaý, sondaı-aq baılanystarymyzdy, saýda jáne yntymaqtastyǵymyzdy damytý úshin birlese jumys isteımiz», - delingen resmı jazbada.