Qazaqstan men Eýropalyq Odaq asa mańyzdy shıkizat materıaldaryn óndirip, óńdeýde yntymaqty kúsheıtpek.
Brússeldegi «Euractiv» medıa-agenttiginiń alańynda Eýroparlament depýtattary men sarapshylar osy máseleni talqylady, dep habarlaıdy Almaty-akshamy.kz.
Jasyl energıany damytý úshin Eýropa elderi sırek kezdesetin 34 metalǵa zárý. Onyń 18-in bizdiń el óndirip, óńdep otyr. Osy saladaǵy yntymaqtastyq Qazaqstan men EýroOdaq arasyndaǵy alys-beristi arttyrady-deıdi sarapshylar. Byltyr ózara saýda aınalymy 40 mlrd dollardy quraǵan.
«Eýropalyq Odaqqa qajetti shıkizatqa Qazaqstan baı. Ony tek eksporttap qoımaı, sol jerde óńdeý el ekonomıkasyna qomaqty kiris ákeledi. Osy asa mańyzdy shıkizatty «Transkaspıı»kólik dálizi arqyly Eýropaǵa jetkizý-ekijaqty qatynasty kúsheıtedi», - deıdi Azıalyq zertteýlerdiń Eýropalyq ınstıtýtynyń dırektory Aksel Gotals.