Eýropa memleketterinde ınternet jyldamdyǵy boıynsha arnaıy zertteý júrgizildi, dep habarlaıdy almaty-akshamy.kz Euronews.com saıtyna silteme jasap.
Euronews.com málimetinshe, birinshi orynda jumys ústeli betterin júkteý jyldamdyǵy eń joǵary Shvesıa - 3,74 sekýnd, ekinshi orynda Fınlándıa (3,84). Úshinshi orynda Danıa men Latvıa ornalasqan (ortasha jyldamdyq 4 sekýnd). Besinshi orynda Lıtva (4,14), odan keıin Shveısarıa (4,23) tur.
Mobıldi qurylǵylardaǵy júkteý jyldamdyǵyna keletin bolsaq, munda taǵy da Shvesıa kósh basynda (ortasha jyldamdyq 7,48 sekýnd).
Jumys ústeli betterin júkteý boıynsha reıtıńtiń sońyna Túrkıa jaıǵasqan (10,22 sekýnd). Mamandar munyń sebebin 30 jyl boıy mys kabelderine degen táýeldilikpen baılanystyrady. Sońǵy bestikke Bolgarıa (9,38), Rýmynıa (8,59), Kıpr (7,18) jáne Polsha (6,09) kiredi.
Dál osy elder mobıldi qurylǵylarda ınternetti júkteý jyldamdyǵy boıynsha da nashar nátıje kórsetti. Túrkıa taǵy kósh sońynda - 13,19 sekýnd.