Aldyńǵy rekordtan 10%-dan astam joǵary
Nıderlandydaǵy TTF saýda alańynda gaz baǵasy qaıta qymbattady. Seısenbi kúni tańerteń bir megavatt-saǵat elektr energıasynyń quny 291 eýroǵa deıin kóterildi, dep habarlaıdy Almaty-akshamy.kz QazAqparat-qa silteme jasap.
Dúısenbi, 22 tamyz kúni TTF habyndaǵy saýda 1 MVt/saǵ úshin 276 eýromen aıaqtalǵan. Bul ótken jumada ornatylǵan bir MVt/saǵ 244,55 eýrony quraǵan aldyńǵy rekordtan 10%-dan astam joǵary.
Búgin tańerteń baǵa 291 eýroǵa deıin kóterilgen. Olaı bolǵanymen, jergilikti ýaqyt boıynsha 14:25-te gaz baǵasy 271 eýroǵa deıin tómendedi. Degenmen, mamandar gazdyń qazirgi baǵasy jyldyń osy mezgilinde ádettegiden 15 ese joǵary ekenin atap ótti.
Gaz baǵasy reseılik «Gazprom» kompanıasynyń 31 tamyzdan bastap «Severnyı potok» gaz qubyrynda úsh kúndik jóndeý jumystaryn júrgizetindigi týraly málimdemesimen baılanysty kóterilgen.
Demalys kúnderi nemis saıasatkerleri gazben qamtamasyz etý jaǵynan qıyndyqtar týyndaıtynyn eskertti. Buǵan qatysty alańdaýshylyǵyn Belgıanyń premer-mınıstri Aleksandr de Kroo da bildirgen. Dúısenbide sóılegen sózinde A.Kroo aldaǵy aılar men qystyń ǵana emes, «aldaǵy bes-on qystyń da qıyn bolatynyn» aıtty.