Polshadaǵy aptap ystyqtyń sońy qatty jelge ulasyp, nóser jaýǵan jáne sý tasqyny bolǵan. Baltyq jaǵalaýyndaǵy Gdyná qalasynda mýzykalyq festıvál uıymdastyrýshylary konsertti ýaqytsha toqtatyp, adamdardy evakýasıalaǵan, dep habarlaıdy Almaty-akshamy.kz Inform.kz-ke silteme jasap.
Italıanyń soltústigi qurǵaqshylyqtan zardap shegip jatyr. Po ózenindegi sý sońǵy 70 jyldaǵy eń tómengi deńgeıine túsken. Bul óńirdegi kúrish alqabyna, mal sharýashylyǵyna qaýip tóndirip tur. Sharýalar kásipodaǵy eldegi fermerler 30%-dan astam eginin joǵaltý qaýpi bar ekenin eskertti. Antısıklonǵa baılanysty kóterilgen temperatýra saldarynan Italıa astanasynyń turǵyndary, jabaıy janýarlar zardap shegip jatyr. Rım zoobaǵynyń qyzmetkerleri janýarlarǵa muzdatylǵan jemister, et jáne balyq berip jatyr. Apennın túbeginiń kóptegen qalasynda fontandar óshirildi. Verona bıligi sý únemdeý úshin sharalar qoldanyp jatyr. Jazdyń sońyna deıin qala turǵyndary aýyz sýdy baqtar men kókónis baqtaryn sýarýǵa, kólik jýý jáne baseınderdi toltyrý úshin paıdalana almaıdy.
Tártip buzýshylarǵa 500 eýro aıyppul salynady.