İs-sharanyń maqsaty – ultaralyq jáne konfesıaaralyq kelisim men tatýlyq
«Eýropa-Azıa» halyqaralyq beıbitshilik jáne kelisim sherýi Almatyǵa keldi, dep habarlaıdy Almaty-akshamy.kz Almaty.tv-ge silteme jasap.
Aıdyń basynda Nur-sultannan bastaý alǵan marsh Qaraǵandy jalǵasty. Búgin Almatyǵa taban tirep, dóńgelek ústel ótkizdi. Osylaısha 3 memlekettiń 16 qalasyn aralaýǵa nıetti jandar bul sherýdiń máni men mańyzyn aıtyp berdi. İs-sharanyń basty maqsaty – ultaralyq jáne konfesıaaralyq kelisim men tatýlyq.
«Islam sharıǵatynda «Qulsı» degen hadıs bar. Onda «Eı adamdardyń urpaǵy beıbitshilikte, kelisimde ómir súrińder» delingen. «Islam» degen sózdiń maǵynasy – amandyq bolý, jurtqa amandyq tileý, sálemdik, salamattyq degendi bildiredi. Iaǵnı osy beıbitshilik marshy arqyly beıbitshiliktiń mańyzdylyǵyn túsinse eken degen oıdamyz», – dedi «Zará vostoka» meshitiniń bas ımamy Qazybek Ahmetov.