Eýroodaq Iranmen ıadrolyq kelisim boıynsha kelissózderi qaıta bastamaq, dep habarlaıdy Almaty-akshamy.kz Inform.kz-ke silteme jasap.
Bul týraly Eýroodaqtyń Syrtqy ister jáne qaýipsizdik jónindegi joǵary ókili Jozep Borrel málim etti. Ol bir kún buryn Tegeranǵa kelip, Iran SİM basshysy Hoseın Amır Abdollahıanmen kelissózder júrgizdi. Eki tarap kelissóz ústeline qaıta oralýǵa daıyn ekendikterin rastady. Aldyńǵy raýnd bıylǵy kóktemde toqtap qaldy. Tegeran qazirdiń ózinde 2015 jylǵy shekteýlerge qaıta oralýǵa daıyn ekenin aıtady. Ázirge, Batystyń pikirinshe, Iran tek baıytylǵan ýran óndirisin arttyrýda. MAGATE basshysy Rafael Grossı Islam respýblıkasy ıadrolyq zarád jasaýǵa jetkilikti qor jınaǵanyn jetkizdi.
Maýsym aıynyń basynda Tegeran Irandy yntymaqtastyqqa qulyqsyzdyq jasady dep aıyptaǵan qararǵa jaýap retinde Atom nysandarynda ornalasqan MAGATE-niń baqylaý kameralaryn óshirdi.