Osy jyly usaq jol-kólik oqıǵalaryn “jeńildetilgen tirkeýdi” júzege asyrý aıasynda júrgizýshilerge yńǵaıly bolý úshin “Eýrohattama” mobıldi qosymshasy engizildi.
Qazaqstan Respýblıkasy Qarjy naryǵyn retteý jáne damytý agenttigi “Saqtandyrý naryǵyn jáne baǵaly qaǵazdar naryǵyn, bank qyzmetin retteý men damytý máselesi boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly” Qazaqstan Respýblıkasynyń 2022 jylǵy 12 shildedegi № 138-VII Zańyn iske asyrý sheńberinde 2024 jylǵy 1 qańtardan bastap jeńil JKO kezinde kólik quraldaryn mindetti saqtandyrý boıynsha saqtandyrý tólemderin óńdeýdiń ońaılatylǵan tártibi engizildi, dep habarlaıdy Almaty-akshamy.kz Polisia.kz-ke silteme jasap.
Osyǵan oraı, “Eýrohattama” arnaıy mobıldi qosymshasy ázirlendi, qosymsha arqyly qoldanýshylar saqtandyrý uıymyna onlaın ótinish bere alady, bıometrıalyq sáıkestendirýden ótip, sıfrlyq qujattardy, foto jáne beınematerıaldardy qosa alady, sonyń negizinde saqtandyrý uıymdar jábirlenýshiniń banktik shotyna tólem jasaıdy. Bul prosedýra jol-kólik oqıǵasyna qatysýshylardyń sany 2-den aspasa, keltirilgen zalal mólsheri 100 AEK-ten aspasa, úshinshi tulǵalardyń densaýlyǵy men múlkine zıany bolmasa, eki qatysýshynyń da avtokólikti mindetti saqtandyrý polısi bolsa, osy tártipti qoldanýǵa bolady. Sondaı-aq eki jaqtyń kelisimimen, bireýi kinásin moıyndaǵan jaǵdaıda. Óz kezeginde bul tártipti paıdalanǵan tulǵalar JKO jasaǵany úshin ákimshilik jaýapkershilikten bosatylady. “Eýrohattama” – júrgizýshilerdi polısıa qyzmetkerleriniń jáne sottyń qatysýynsyz jeńil jol-kólik oqıǵalaryn (budan ári – JKO) ońaı jolmen tirkeý. Anyqtama úshin: Eýrohattamanyń shyqqan jeri – Fransıa.
Bul júıe Germanıa, Belgıa, Gresıa, Italıa, Portýgalıa, Ispanıa jáne basqa elderde keń taralǵan. TMD elderinde eýrohattama Reseıde, Belarýste, Ýkraınada, Armenıada jáne Ózbekstanda engizildi. Eýrohattama qoldaný sharttary: – JKO nebári 2 kólik qatyssa; – JKO ómirge nemese densaýlyqqa zıan keltirmegen jáne úshinshi tulǵalardyń múlkine zıan keltirmegen bolsa; – JKO qatysýshylarynyń ózara kelisimi bolyp, olardyń biri kinásin moıyndasa; – JKO qatysýshylarynyń mindetti avtokólikti saqtandyrý polısi bar bolýy kerek; – keltirilgen zalal mólsheri 100 AEK nemese 369 myń teńgeden aspasa. Kútiletin nátıje: – azamattardyń JKO tirkeýge (15-20 mınýt ketedi) jáne saqtandyrý tólemderin alýǵa (5 kún ishinde tóleý) ýaqytyn únemdeý.
Qandaı artyqshylyqtar bar: Birinshiden, azamattar budan bylaı usaq JKO óńdeý úshin kepteliste polıseılerdi kútýdiń qajeti joq. Tıisinshe, kólik keptelisi de azaıady. Ekinshiden, mundaı buzýshylyqtar úshin júrgizýshiler endi ákimshilik jaýapkershilikke tartylmaıdy. Buǵan deıin jyl saıyn sotpen materıaldyq shyǵyn ákelgen jol-kólik oqıǵasy saldarynan 32 myńǵa jýyq júrgizýshige aıyppul salynyp nemese kólik basqarý quqyǵynan aıyrylǵan. Úshinshiden, saqtandyrý tólemderiniń merzimi hattama jasaýdan bastap sot sheshimi zańdy kúshine engenge deıingi sot rásimderin joıý arqyly qysqartylady. Buryn munyń barlyǵy 60 kúnge deıin sozylýy múmkin bolsa, qazir tirkelgen sátten bastap tólemderdi alǵanǵa deıin shamamen 5 kún ketedi.
Quqyq buzýshylar men jábirlenýshilerdi saqtandyrý uıymdaryna jiberý úshin materıaldardyń kóshirmelerin alý úshin ishki ister organdaryna barý qysqarady. Búgingi tańda “Evroprotokol” mobıldi qosymshasy arqyly 115 jol-kólik oqıǵasy tirkeldi. Bul júıeni engizý polısıa men turǵyndar arasyndaǵy ózara is-qımyldy búrokratıasyzdandyrýdyń taǵy bir qadamy.