Elimizde eski kólikterge salynatyn salyq azaıady. Bul týraly Qarjy vıse-mınıstri Erjan Birjanov Ortalyq komýnıkasıalar qyzmetinde ótken brıfıńte aıtty, dep habarlaıdy almaty-akshamy.kz.
Vıse-mınıstrdiń aıtýynsha, keı kólik úshin salynatyn salyq eki esege deıin qysqarady. Bul ózgeris jańa Salyq kodeksinde aıqyndalǵan.
Jańa Salyq kodeksinde kólik salyǵyna qatysty ózgerister bar. Paıdalaný ýaqytyna qaraı salyq mólsheri qaıta qaralady. Kóliktiń shyqqanyna 10 jyldan assa, oǵan 30%-dyq shegerim bolady. Eger avtokóliktiń paıdalaný merzimi 20 jyldan assa, 50%-dan asa shegerim jasalady. Iaǵnı, eski kólik ıelerine osyndaı jeńildik qarastyrylǵan. Bul – birinshi. Ekinshiden, avtokólik tirkeýde bolmasa nemese joǵalyp ketse, bul mindetti túrde quqyq qorǵaý organdary arqyly rásimdelýge tıis. İs qozǵalyp, avtokóliktiń joǵalyp ketkeni týraly anyqtama bolsa, kólik salyq bazasyna qosylmaıdy, - deıdi Erjan Birjanov.
Sondaı-aq vıse-mınıstr kásibin turaqty túrde júrgizbeıtin azamattardyń jeke kásipker retinde tirkelmeı qalaı salyq tóleıtinin aıtty.
Tirkeýsiz rejım taksı bolyp qyzmet etetin, jóndeý jumystaryn júrgizetin azamattarǵa qatysty bolyp otyr. Olarda kasa apparaty bolmaıdy, túbirtekti elektrondy túrde beredi. Qazir platformalyq jumyspen qamtamasyz etý jobasy iske asyrylyp, 12 myń taksı júrgizýshisi sol jobaǵa engizilip jatyr. Sol jobany endi zańdastyryp otyrmyz. Olardy jeke kásipker retinde tirkeýdiń qajeti joq. Olardyń salyq aınalymyn, tabys mólsherin qosymsha arqyly kóre alamyz. Taksı júrgizýshisine túsken tapsyrys pen túbirtektiń bárin alyp otyrmyz, - deıdi vıse-mınıstr.