Atyraýda polıseıler jasóspirimderdiń ata-analarymen kezdesti, - dep habarlaıdy aqshamnews.kz
Atyraý oblysy PD esirtki qylmysyna qarsy is-qımyl basqarmasy jáne jergilikti polısıa qyzmeti bólimi qala prokýratýrasymen birlesip, "Zań jáne tártip" qaǵıdasy aıasynda stýdentter men oqýshylardyń ata-analarymen aýqymdy kezdesý ótkizdi.
Bul sharanyń maqsaty – jasóspirimder arasynda zań buzýshylyqtyń aldyn alý jáne esirtkiniń qaýipti saldaryn túsindirý. Shara barysynda tártip saqshylary jasóspirimder arasynda oryn alatyn quqyq buzýshylyq máselesin talqylady. Sonymen qatar qazirgi tańda qoǵam dertine aınalǵan nashaqorlyqtyń jastar ómirine tıgizetin keri áseri, onyń densaýlyqqa, psıhologıalyq jaǵdaıǵa jáne bolashaqqa tıgizer zıany jóninde jan-jaqty aqparat berildi.
Tártip saqshylary esirtkige táýeldilikke ákeletin faktorlardy atap, odan saqtanýdyń joldaryn túsindirdi. İs-sharaǵa qatysqan stýdentter men ata-analar quqyq qorǵaý organdary qyzmetkerlerine ózderin tolǵandyratyn suraqtaryn qoıyp, naqty jaýaptar aldy.
Shara sońynda polıseıler jasóspirimder arasynda esirtki saýdasyn júrgizetin tulǵalardan saq bolý kerektigin jáne áleýmettik jeliler arqyly taralatyn jasyryn esirtki jarnamalarynyń qaýpin erekshe atap ótti.