Ol 8 jylǵa kólik quralyn basqarý quqyǵynan aıyryldy.
Almatyda avtobýs júrgizýshisi esirtkige mas kúıinde jolaýshylardy tasymaldaǵan, dep habarlaıdy Almaty-akshamy.kz Polisia.kz-ke silteme jasap.
Bul joly 118-shi baǵyttaǵy qoǵamdyq kólik júrgizýshisi «elden erekshelendi». Ony Abaı dańǵyly men Ótegen batyr kóshesiniń qıylysynda ákimshilik tájirıbe bólimshesiniń qyzmetkerleri toqtatty.
«Júrgizýshiniń áreketi kúdik týǵyzdy. Ony medısınalyq tekserýden ótkizý úshin ertip bardy, saraptama qorytyndysy boıynsha narkolog-dárigerler onyń esirtkige mas bolǵanyn anyqtady. Júrgizýshi birden qoǵamdyq kólikti basqarýdan shettetildi. Almaty qalasy boıynsha mamandandyrylǵan aýdanaralyq ákimshilik sotynyń sheshimimen er adam 8 jyl merzimge kólik quralyn basqarý quqyǵynan aıyryldy, sonymen qatar 15 táýlikke ákimshilik qamaqqa alyndy. Qoǵamdyq kólik mamandandyrylǵan aıyppul turaǵyna qoıyldy», - dedi Ákimshilik polısıa basqarmasy bastyǵynyń orynbasary Dáýlet Seıitqulov.
Sondaı-aq, esirtkige masań kúıdegi júrgizýshini qatarǵa shyǵarýǵa ruqsat bergen avtokásiporynnyń medısına qyzmetkerine qatysty QR ÁQbK-niń 619-babyna sáıkes ákimshilik shara qoldanyldy. Aıyppul somasy 150 myń teńgeni qurady.