Qazaqstanda nashaqorlardy esepke alý úshin biryńǵaı derekqor qurylady, dep habarlaıdy aqshamnews.kz
Elimizde esirtki óndirý jáne qaıta óńdeýmen aınalysatyndarǵa qatysty jaýapkershilik kúsheıtiledi. Bul zańǵa engiziletin jańa ózgerister men tolyqtyrýlarda naqty kórsetilgen. Olar, ásirese, esirtki zerthanalary men kýrerlerdiń (zakladchıkter jáne basqalary) qyzmetine tikeleı qatysty bolmaq.
İshki ister mınıstrliginiń málimetinshe, esirtki qylmystaryna qysymmen tartylǵan jastar úshin jazany jeńildetý josparlanýda. Alaıda, esirtki bıznesin uıymdastyrýshylar úshin jaza qatańdatylmaq. Bul sharalar eldegi esirtki aınalymyn baqylaýdy kúsheıtip, nashaqorlyqtyń aldyn alýǵa baǵyttalǵan.
Sondaı-aq, nashaqorlyqpen kúrestiń tıimdiligin arttyrý maqsatynda Qazaqstanda nashaqorlardy esepke alýǵa arnalǵan biryńǵaı derekqor qurylatyn bolady. Bul derekqor quqyq qorǵaý organdaryna osy máseleni júıeli túrde qadaǵalaýǵa jáne jaǵdaıdy baqylaýda ustaýǵa múmkindik beredi.