Almaty polıseıleri esirtki qylmysy úshin zańda qarastyrylǵan jazalar týraly aıtyp berdi.
PD-nyń Esirtki qylmysyna qarsy kúres basqarmasy, esirtkini saqtaý, satý, jarnamalaý, esirtki qoımalaryn uıymdastyrý, quramynda esirtki bar ósimdikterdi ósirý jáne dáriler men medısınalyq maqsattaǵy zattardy paıdalaný erejelerin buzǵany úshin qandaı qaýip tónetini týraly habarlady. Lısenzıasy joq dári-dármekterdi satqany úshin ákimshilik jáne qylmystyq jaýapkershilik qarastyrylǵan, dep habarlaıdy Almaty-akshamy.kz Polisia.kz-ke silteme jasap.
Bul is-áreket esirtki satý retinde qarastyrylady (QR QK-niń 297-baby), ol úshin zardaptyń aýyrlyǵyna qaraı 5 jyldan 15 jylǵa deıingi merzimge bas bostandyǵynan aıyrý kózdelgen. Esirtkini kámeletke tolmaǵan adamǵa nemese bilim berý uıymdarynda satqany úshin (QR QK-niń 297-baby 4-bóligi) ómir boıyna bas bostandyǵynan aıyrý kózdelgen. Sonymen qatar tájirıbede quramynda esirtkisi bar ósimdikterdi ósirý derekteri de bar.
Qylmystyq zańǵa sáıkes, mundaı ósimdikterdi zańsyz ósirý (QR QK-niń 300-baby) 3 jyldan 8 jylǵa deıin bas bostandyǵynan aıyrýdy qarastyrady. Al esirtki qoımasyn uıymdastyrǵany úshin (QR QK-niń 302-baby) 3 jyldan 7 jylǵa deıin bas bostandyǵynan aıyrý túrindegi qylmystyq jaýapkershilik qarastyrylǵan. Eger bul zańsyz áreketter birneshe ret jáne/nemese qylmystyq top tarapynan jasalsa, onda múlki tárkilenip, 7 jyldan 12 jylǵa deıingi merzimge bas bostandyǵynan aıyrýǵa jazalanady. Esirtki quraldaryn nasıhattaǵany nemese zańsyz jarnamalaǵany úshin (QR QK-niń 299-baby, 1-1-bóligi) múlki tárkilenip, 3 jyldan 6 jylǵa deıingi merzimge bas bostandyǵynan aıyrý túrindegi jaza kózdelgen.