Erli-zaıyptylar aýyrǵanǵa deıin esh vaksına almaǵan.
Almaty oblysynda tórt bala ata-anasynan aıyrylyp, jetim qaldy. Olardyń ata-analary koronavırýs ınfeksıasyna shaldyǵyp, qaıtys bolǵan, dep habarlaıdy Almaty-akshamy Almaty.tv saıtyna silteme jasap.
Kóz jumǵan kelinshek aýrýhanaǵa 4-shi perzentine aıaǵy aýyr bolyp túsip, dárigerler balany aman alyp qalypty. Biraq 4 kún ótken soń, Gúlnaz Osmanova qaıtys bolady.
«Joldasy 15-i kúni bizdiń kovıd bólimine tústi. Ókinishke qaraı, emdeý sharalarynyń jasalýyna qaramastan, 1 tamyzda kóz jumdy. Erli-zaıyptylar aýyrǵanǵa deıin esh vaksına almaǵan. Vaksına alǵan kezde mundaı qaıǵyly jaǵdaı bolmas edi dep oılaımyn», – dedi Eńbekshiqazaq aýdandyq aýrýhanasy bas dárigeriniń orynbasary Dıdar Aıtjanov.
Jańa týǵan sábıden bólek, 9, 5 jáne 4 jastaǵy balalary qazir týystarynyń qasynda. Aldaǵy ýaqytta nemerelerin óziniń atyna jazdyryp alamyn dep otyr ájesi Nurbaný Raqysheva.